Störf

Laus er til umsóknar 80-100% hjúkrunarfræðings við Kristnesspítala þar sem fara fram endurhæfingar- og öldrunarlækningar Sjúkrahússins á Akureyri.

Ráðið verður í stöðuna frá 1. ágúst n.k. eða eftir samkomulagi. Um er að ræða vaktavinnu á þrískiptum vöktum og unnið er 3. hvoru helgi.

Næsti yfirmaður er Kristín Margrét Gylfadóttir forstöðuhjúkrunarfræðingur á Kristnesspítala.

Helstu verkefni og ábyrgð

Í starfinu felst ábyrgð á öllum almennum verkefnum hjúkrunarfræðinga samkvæmt lögum og reglugerðum. Einnig að unnið sé samkvæmt markmiðum hjúkrunar, deildarinnar og stofnunarinnar.

Starfsþróunarár í boði

Forstöðumenn Kristnesspítala hafa lagt upp starfþróunarprógramm fyrir hjúkrunarfræðinga með það að markmiði að gefa svigrúm til þróunar í starfi innan öldrunar- og endurhæfingarhjúkrunnar. Efla hæfni og þekkingu til faglegrar þróunar og auka ánægju í starfi. Ásamt því að auka gæði þeirrar þjónustu sem veitt er á Kristnesspítala. Starfsþróunarár nær yfir 10mánaða tímabil.
Á Starfsþróunartímabilinu er unnið undir handleiðslu hjúkrunarfræðinga sem hafa þekkingu og reynslu innan öldrunar- og endurhæfingarhjúkrunnar, lögð er áhersla á að hjúkrunarfræðingurinn öðlist þekkingu á sem flestum sviðum.
Starfsþróun er tilvalið tækifæri fyrir nýútskrifaða hjúkrunarfræðinga sem vilja kynnast hjúkrun innan öldrunar- og endurhæfingalækninga en ekki síður fyrir hjúkrunarfræðinga sem vilja breyta til í starfi og takast á við nýjar áskoranir í fjölbreyttu og krefjandi starfsumhverfi undir leiðsögn.

Á Kristnesspítala er veitt einstaklingsmeðferð, hópmeðferð og þjónusta á göngudeild. Lögð er áhersla á þekkingu og færni í heilsufarsmati sjúklinga, heilbrigðishvatningu, markmiðssetningu, meðferð, fræðslu og leiðsögn til sjúklinga, aðstandenda og annarra meðferðaraðila. Starfið felur í sér teymisvinnu sem byggir á markvissri samvinnu sjúklings, fjölskyldu og meðferðaraðila. Þjónustuhópurinn eru einstaklingar 18 ára og eldri. Algengustu vandamál eru stoðkerfisvandamál, langvinnir verkir, gigt, heilaáföll, taugasjúkdómar, mænuskaði, offita og lungnavandamál auk breytinga á heilsufari sem tengjast öldrun. Ennfremur kemur fólk í endurhæfingu eftir langvarandi veikindi eins og t.d. krabbamein. Meðallegutími er 4-6 vikur og tekið er mið af þörfum hvers og eins og árangri endurhæfingar.

Hæfnikröfur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á. Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.

Hjúkrunarfræðingur - Kristnesspítali - Starfsþróunarári í boði

Helstu verkefni og ábyrgð

Hæfnikröfur

Frekari upplýsingar um starfið

Nánari upplýsingar veitir