Móttökuritari á Höfn í Hornafirði

Heilbrigðisstofnun Suðurlands auglýsir eftir móttökuritara á heilsugæsluna á Höfn í Hornafirði. 

HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.

Helstu verkefni og ábyrgð

• Móttaka, afgreiðsla og samskipti við skjólstæðinga
• Símsvörun, ýmiss konar umsýsla og skráning gagna auk samskipta við aðrar deildir HSU

Hæfnikröfur

• Stúdentspróf eða sambærileg menntun æskileg.
• Starfið krefst hæfni og lipurðar í samskiptum, trúmennsku og nákvæmni í vinnubrögðum.
• Viðkomandi þarf að hafa góð tök á vinnu við tölvur.
• Viðkomandi þarf að hafa gott vald á íslensku máli og geta átt góð  tjáskipti á ensku.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag opinberra starfsmanna á Suðurlandi hafa gert.

Um er að ræða afleysingu í 8 vikur í sumar og er æskilegt að viðkomandi geti hafið störf í lok maí. Unnið er á dagvinnutíma. 

Starfshlutfall er 100 %
Umsóknarfrestur er til og með 03.05.2024

Nánari upplýsingar veitir

Sækja um starf Til baka