Leiðandi sérfræðingur á sviði greiðslna fyrir heilbrigðisþjónustu (DRG)

Sjúkratryggingar Íslands auglýsa starf leiðandi sérfræðings í Heilbrigðisþjónustudeild á sviði fjármögnunarkerfis sjúkrahúsa (DRG). Heilbrigðisþjónustudeild sér um framkvæmd samninga vegna heilbrigðisþjónustu, s.s. vegna þjónustu sjúkrastofnana, sjálfstætt starfandi heilbrigðisstarfsfólks, sjúkraflutninga o.fl. Sérfræðingurinn mun gegna lykilhlutverki í þróun á greiðslum vegna þjónustu sjúkrahúsa (DRG). 

Sjúkratryggingar eru lykilstofnun í íslensku heilbrigðiskerfi. Við tryggjum réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu óháð efnahag.

Helstu verkefni og ábyrgð

• Framkvæmd greiðslna vegna þjónustu sjúkrahúsa (DRG) og þróun aðferða í því sambandi
• Þátttaka í umsýslu og þróun annarra greiðslukerfa vegna heilbrigðisþjónustu 
• Þátttaka í þarfa- og kostnaðargreiningu heilbrigðisþjónustu
• Nýsköpun í heilbrigðisþjónustu og þátttaka í mótun stafrænnar þjónustu
• Samstarf við aðrar stofnanir og veitendur heilbrigðisþjónustu

Hæfnikröfur

• Háskólamenntun (meistaragráða) sem nýtist í starfi s.s. á sviði heilbrigðisvísinda, hagfræði/heilsuhagfræði eða viðskiptafræði 
• Reynsla af eða þekking á  greiðslukerfum heilbrigðisþjónustu
• Reynsla af stjórnun/umsjón verkefna æskileg 
• Reynsla af gagnavinnslu og framsetningu tölulegra upplýsinga 
• Reynsla af umbótum og nýsköpun kostur 
• Mjög gott vald á íslensku í mæltu og rituðu máli 
• Gott vald á ensku og einu norðurlandamáli í mæltu og rituðu máli 
• Lipurð í samskiptum, jákvætt viðmót og rík þjónustulund 
• Frumkvæði, metnaður og vönduð vinnubrögð 
• Geta til að starfa bæði sjálfstætt og í hópi 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn þarf að fylgja ítarleg starfsferilskrá og sérstakt kynningarbréf þar sem gerð er grein fyrir hæfni umsækjanda sem nýtist í starfi. Æskilegt er að viðkomandi geti hafið störf sem fyrst. Áhugasamir einstaklingar, óháð kyni eru hvattir til að sækja um starfið. 

Sótt er um starfið á Starfatorgi ríkisins á www.starfatorg.is. Öllum umsóknum verður svarað þegar niðurstaða um ráðningu liggur fyrir. Ráðning tekur mið af jafnréttisáætlun stofnunarinnar. Umsókn gildir í 6 mánuði frá lokum umsóknarfrests. Upplýsingar um stofnunina má finna á heimasíðu hennar¿www.sjukra.is.

Starfshlutfall er 100 - 100 %
Umsóknarfrestur er til og með 29.04.2024

Nánari upplýsingar veitir

Sækja um starf Til baka